Feta í fót­spor Baltas­ars í Kæru Jelenu

Í kvöld verður leiksýningin Kæra Jelena frumsýnd í Borgarleikhúsinu en þau Sigurður Þór og Þuríður Blær, leikarar í sýningunni kíktu í viðtal í síðdegisþáttinn Tala Saman í gær.

Kæra Jelena fjallar um fjögur bekkjarsystkini sem mæta óvænt heim til kennara síns Jelenu á afmælisdaginn hennar - færandi gjafir og fögur orð en þegar líður á verkið kemur í ljós hver raunveruleg ástæða heimsóknarinnar er. Segja Sigurður og Blær sýninguna fjalla um misjafnt gildismat einstaklinga og kynslóða og hversu langt fólk sé tilbúið að ganga til fá það sem það vill. Leikritið var skrifað árið 1980 í Sóvétríkjunum og var það síðar bannað vegna hve háskalegt það þótti.

Mikil eftirvænting ríkir eftir Kæru Jelenu en fyrir 30 árum var sýningin sett á fjalirnar í Þjóðleikhúsinu. Sýningin sló þá rækilega í gegn og var sýnd oftar en 100 sinnum en í henni tóku Baltasar Kormákur og Ingvar E. Sigurðsson sín fyrstu skref á leiksviði. Sigurður og Blær segja að ný uppfærsla á Kæru Jelenu höfðaði því ekki einungis til yngri áhorfendahóps heldur einnig til þeirra sem eldri eru sem sáu jafnvel gömlu sýninguna á sínum tíma. Með önnur hlutverk fara Haraldur Ari, Aron Már - sem tekur í kvöld sín fyrstu skref í atvinnuleikhúsi og Halldóra Geirharðsdóttir sem leikur Jelenu sjálfa.

Tala Saman er á dagskrá alla virka daga á milli 16 & 18 í boði Stöð 2 Maraþon