Gjörn­inga­klúbbur­inn: Töl­uðu við Ás­grím Jóns­son með miðil á FaceTime

Þær Eirún Sigurðardóttir og Jóní Jónsdóttir hafa verið í Gjörningaklúbbnum síðan 1996, þær eru frumkvöðlar í íslenskri gjörningalist. Þær töluðu um nýjasta verkið sitt, Vatn og blóð, við Jóhann og Lóu í Tala saman.

Miðill/miðill

Verkið Vatn og blóð er vídeóverk, pantað af Listasafni Íslands og til sýningar þar þangað til í mars. Það er unnið út frá ævi og störfum myndlistarmannsins Ásgríms Jónssonar. Ásgrímur Jónsson (1876-18958) var einn af fyrstu myndlistarmönnum þjóðarinnar og lærði við konunglega háskólann í Kaupmannahöfn. Eirún og Jóní segja að lítið sé vitað um tilfinningalíf listamannsins. Hann hafi ekki gift sig og átti engin börn. Þær hafi því notast við miðil til að auðga skilning sinn á skáldinu víðfræga. „Það kom margt í ljós en aðallega bara hvað hann var mikill listamunkur. Hann helgaði sig alveg listinni." Þær kalla þessa aðferð, að tala við miðil í vinnslu verksins, miðill/miðill.

Listin er kvenlæg orka

Eirún og Jóní segja kjarnann í list Ásgríms vera samvinna, sköpunarkraftur, innsæið og náttúran. Þær segja jafnframt að Ásgrímur hafi sagt þeim, í gegnum miðilinn, að listin væri í eðli sínu kvenlæg orka. Þær settu jafn mikinn þunga í ævisögu hans og upplýsingar frá miðlinum við vinnslu verksins. Hægt er að nálgast fleiri upplýsingar um Vatn og blóð hér.

Hlustaðu í viðtalið í heild sinni í spilaranum að ofan

Tala saman er alla virka daga milli 4 og 6 í boði Domino's og Zombielamb:Double Tap