18. júní, 2019 - 16:10
Raunveruleikaþátturinn Love Island nýtur gífurlega mikilla vinsælda í Englandi en 3.6 milljónir horfðu á lokaþáttinn í fyrra. Keppendur er á aldrinum 20-30 ára en aðdáendahópurinn er mun dreifðari en það. Love Island tekst að klófesta unga sem aldna. Þetta er svolítið eins og með snakkið í dósunum „einu sinni smakkað, þú getur ekki hætt“.
Love Island þættirnir eru sýndir á sumrin og gerast í rauntíma. Það kemur út nýr þáttur daglega þannig áhorfendur fylgjast með keppendum og hafa áhrif á úrslitin. Líflegar umræður skapast á Twitter þar sem notendur ýmist lofa eða lasta einstaklinga úr þáttunum.
Leikreglurnar í Love Island eru einfaldar. Hópur af ungu fólki er flogið til Mallorca og komið fyrir í lúxus-villu og strípað af allri tengingu við umheiminn. Fólkið parar sig saman og til þess að lifa keppnina af þurfa allir að vera í sambandi við einhvern í villunni, en hvort sambandið byggist á vináttu, ást eða bara til þess að vinna leikinn, er annað mál. Því markmið þáttanna er að standa eftir sem ástfangnasta parið að mati áhorfanda og fá að launum 50.000 pund.
En þetta er aðeins umgjörðin. Til að gera keppendum erfiðara fyrir þurfa pörin að deila einbreiðu rúmi frá fyrsta degi, allir fá síma svo þau geti spjallað innbyrðis og kosið aðra keppendur út. Pörin taka þátt í allskyns keppnum til að hrista sig saman og vinna sér inn rétt til þess að fara á stefnumót utan villunnar. Þau sem stýra þáttunum fylgjast grannt með öllu drama í villunni og gera í því að strá salti í sárin með ýmsum leiðum. Rúsínan í pylsuendanum er að áhorfendur geta tekið þátt í keppninni með því að kjósa fólk af eyjunni í gegnum Love Island appið.
Við á Útvarpi 101 erum miklir aðdáendur Love Island og veltum fyrir okkur hvernig keppnin gæti litið út hér heima. Valið var vandasamt en við höfum sett saman draumahópinn.
Flóni, söngvari. Flóni er mikið sjarmatröll með bros sem bræðir. Einnig er hann mikið ljúfmenni og myndi eflaust vilja að enginn dytti úr keppni.
Björgvin Karl, atvinnumaður í CrossFit. Hann er með breitt bak og ætti að geta lyft upp stemningunni ef þyngsli leggjast yfir hópinn.
Egill Trausti, íþróttagarpur og fyrrverandi kærasti Örnu Ýrar. Það má segja að Egill myndi rífa keppnina upp á næsta stig, hinir keppendurnir þurfa að passa sig á honum.
Króli, rappari. Þrátt fyrir að hárið fengi að fjúka þá fauk sjarminn ekki með. Kristinn Óli, Kiddi, Króli er einlægur, ljúfur og góður vinur vina sinna. Króli heillar alla upp úr skónum.
Sindri Þórhallsson, verslunarstjóri Húrra Reykjavík. Jú krakkar mínir, fatastíll getur skipt máli og þar kemur Sindri Þórhalls sterkur inn með sitt Húrra-game. Krullur og merkjavörur, like?
Kristófer Acox, körfuboltamaður. Stutt er síðan Kristó tók titil með sér heim, hver veit hvað gerist á eyjunni. Kristó er með mikið keppnisskap og því ættu hinir að vera á tánum.
Aldís Amah, leikkona. Aldís er Fjallkona ársins 2019 enda er henni margt til listanna lagt. Hún hefur mikla reynslu þegar kemur að sviðsframkomu sem myndi eflaust ná henni langt.
Sunneva Einarsdóttir, áhrifavaldur. Sunneva Einars er vinsæl á Instagram en ætli hún verði jafn vinsæl á ástareyjunni eða verður stelpunum ógnað?
Kara Kristel, áhrifavaldur. Kara Kristel segir allt sem hún hugsar og með húmorinn á réttum stað. Stór persónuleiki er alltaf vinsælt í raunveruleikasjónvarpi.
María Thelma, leikkona. Brosmild og ljúf og mun heilla alla upp úr skónum. Hún er týpa margra á pappír (type on paper) en hún er leikkona, þannig passið ykkur!
Birgitta Líf, markaðsstjóri World Class og áhrifavaldur. Birgitta Líf kann að skemmta sér og það verður gaman að fylgjast með henni í þessari keppni. Ætli hún og Flóni splæsi saman í flöskuborð?
Thelma Torfadóttir, framleiðandi og fyrirsæta. Thelma er eldklár og mikill töffari. Sem framleiðandi kann hún á sjónvarpsframleiðslu og mun vefja framleiðendur og tökuliðið um fingur sér.
Brynjar Barkarson, fjöllistamaður. Brynjar mun klárlega hræra vel í pottinum. Hann er ekki bara fyndinn, hress og skemmtilegur heldur í fanta góðu formi enda búinn að vera duglegur í ræktinni upp á síðkastið. Höfuð munu snúast eða eins og þau segja á meginlandinu heads will be turned.
Dóra Júlía, plötusnúður og áhrifavaldur. Dóra Júlía kemur með groove-ið. Hún er óhrædd við að taka áskorunum og því myndi hún koma sterk inn í keppnina.
Söng og leikkonan Unnur Eggertsdóttir myndi feta í fótspor Caroline Flack sem þáttastjórnandi Love Island. Hennar hlutverk er að senda fólk heim og taka viðtöl við keppendur. Hún er sú eina sem fær að koma inn í villuna.
Einn mikilvægasti hlekkur þáttanna er sá sem lýsir því sem er að gerast jafnóðum. Við myndum vilja sjá Jakob Birgisson í því hlutverki.
Hér fyrir neðan er hægt að sjá bestu klippurnar úr síðustu Love Island seríunni.
Love Island Ísland 2020?
10. október - 11:00
101 Productions er framleiðslufyrirtæki sem einnig rekur útvarpsstöðina Útvarp 101. Ert þú með hugmynd? Sendu okkur línu á idea@101.live.
27. janúar - 10:30
Í nýjasta þætti Heimsenda ræðir Stefán Þór við hagfræðinginn Ólaf Kjaran Árnason um kapítalisma.
24. janúar - 13:00
Eruð þér límd við skjáinn? Er símtækið besti vinur þinn? Í nýjasta þætti Heimsenda er rætt um sítengingu og skilgreiningu hennar.
24. janúar - 12:30
Í hlaðvarpinu „Þetta fullorðna fólk er svo skrýtið“ velta Annalísa Hermannsdóttir og Björk Guðmundsdóttir fyrir sér hegðun og hugarstarfi fullorðins fólks á heimspekilegan, sálfræðilegan en þó óvísindalegan hátt.
19. janúar - 14:40
Þáttastjórnendur Einhleyp, einmana og eirðarlaus eru mætt aftur í stúdíóið að jólafríi loknu.
17. janúar - 14:30
„Þetta er bara hreint og beint svefnherbergisdjamm, hoppandi á rúminu og syngjandi í hárburstann“ segir tónlistarkonan Salóme Katrín um lagið „The Other Side“ sem hún sendi frá sér í vikunni.