22. júlí, 2019 - 14:30
„Lagið fjallar um að langa í frekar öruggt og einfalt líf en struggla við það. Að vera í peningastressi, finna fyrir rótleysi, finna ekki ástina eða hvað það er,“ segir Fannar Ingi Friðþjófsson annar meðlima nýstofnuðu hljómsveitarinnar Hipsumhaps.
Hljómsveitin Hipsumhaps samanstendur af þeim Fannari og Jökli Breka. Báðir er þeir af Álftanesi og kynntust þannig að Fannar var flokksstjóri Jökuls í unglingavinnunni. Þeir hafa unnið hörðum höndum að útgáfu á laginu sínum LSMLÍ (Lífið sem mig langar í).
Strákarnir segjast vera hljómsveit í nútímaskilningi. Í dag geta hljómsveitir samanstaðið af pródúser og lagahöfundi. „Þetta er ekki þannig að við hittumst í bílskúrnum og sláum á trommur,“ útskýrir Fannar.
Saman vinna þeir að plötunni í skúrnum hjá ömmu og afa Jökuls „Síðustu sex mánuðir hafa alfarið farið í plötuna,“ segir Jökull. „Þetta eru níu lög og hún kemur vonandi út í ágúst. Akkúrat núna er hún í hljóðblöndun hjá Arnari Inga.“
Fyrsta lag tvíeykisins hefur hlotið verðskuldaða athygli. Lagið hefst á setningunni Langar í pickup truck, með hestakerru aftan í. Þetta er lífið sem mig langar í og tekur lagið á leitinni að þessu einfalda lífi sem Fannar kom inn á í upphafi. Textann skrifaði hann árið 2017. „Á þessum tíma voru allar þessar bankaauglýsingarnar í umferð um að allt sé hægt.. ef þú ert með plan! Ég var bara jæja, kanntu annan?“
„Þó það sé ekki alvarlegur tónn í laginu. Þá er þetta áminning um að enginn veit alveg hvað er að gerast. Við gerum okkar besta og njótum lífsins. Þegar öllu er á botninn hvolft þá langar okkur að deyja sátt,“ segir Fannar.
Viðtalið í heild sinni má heyra í spilaranum hér að ofan.
10. október - 11:00
101 Productions er framleiðslufyrirtæki sem einnig rekur útvarpsstöðina Útvarp 101. Ert þú með hugmynd? Sendu okkur línu á idea@101.live.
27. janúar - 10:30
Í nýjasta þætti Heimsenda ræðir Stefán Þór við hagfræðinginn Ólaf Kjaran Árnason um kapítalisma.
24. janúar - 13:00
Eruð þér límd við skjáinn? Er símtækið besti vinur þinn? Í nýjasta þætti Heimsenda er rætt um sítengingu og skilgreiningu hennar.
24. janúar - 12:30
Í hlaðvarpinu „Þetta fullorðna fólk er svo skrýtið“ velta Annalísa Hermannsdóttir og Björk Guðmundsdóttir fyrir sér hegðun og hugarstarfi fullorðins fólks á heimspekilegan, sálfræðilegan en þó óvísindalegan hátt.
19. janúar - 14:40
Þáttastjórnendur Einhleyp, einmana og eirðarlaus eru mætt aftur í stúdíóið að jólafríi loknu.
17. janúar - 14:30
„Þetta er bara hreint og beint svefnherbergisdjamm, hoppandi á rúminu og syngjandi í hárburstann“ segir tónlistarkonan Salóme Katrín um lagið „The Other Side“ sem hún sendi frá sér í vikunni.