Hlusta
Ný plata frá Sturla Atlas á íslensku
3. mars, 2020 - 11:20
Sigurbjartur Sturla Atlason, Sturla Atlas, var gestur vikunnar í Kraftbirtingarhljómi guðdómsins, hlaðvarpi um rapptónlist í umsjón Bergþórs Mássonar.
Þáttaskil í íslenskri dægurmenningu
Í þættinum ræddi Sturla uppvaxtarárin í Austurbænum, ferilinn, leikaralífið og margt fleira. Fyrsta plata Sturla Atlas kom út árið 2015 en mikið vatn hefur runnið til sjávar síðan þá. Þegar sú plata kom út á sínum tíma vakti hún mikið umtal og má segja að hún hafi markað viss þáttaskil í íslenskri dægurmenningu. Það sem var merkilegt við tónlistina er að hún var íslensk og sungin á ensku en tröllreið samt ungmennum, sem er eitthvað sem mjög fáum tekst. Tónlistin var tenging á milli internet-kúltúrs og íslenskrar popptónlistar, samfélagsmiðlar knúðu lestina áfram og tónlistin og ímyndin talaði við erlendan poppkúltur en var samt íslenskt.
Fyrsta platan í þrjú ár
Í viðtalinu við Bergþór Másson tilkynnti Sturla að ný ep-plata frá honum væri væntanleg. Hún ber titilinn Paranoia og má búast við henni á allar helstu streymisveitur síðar í vikunni. Plötuna vann hann með tónlistarmanninum Ísleifi Eldi og sömdu þeir plötuna að mestu í apríl árið 2019. Sturla tilkynnti á Instagram síðu sinni í gær að hann hyggðist stíga inn í nýja tíma næstkomandi miðvikudag og að hann hlakkaði til að deila tónlistinni með heiminum. Þetta er nýr kafli í sögu Sturla Atlas því þetta er í fyrsta sinn sem hann gefur út efni á íslensku.
Persónulegri tónlist en áður
Sturla segir þessa plötu marka tímamót á ferlinum en hann syngur í fyrsta skipti á ferlinum á íslensku. Hann segir skiptinguna yfir á móðurmálið hafa verið nauðsynlega fyrir sig sem listamann. Sigurbjartur telur að hann geti komist dýpra í lagasmíðum og tjáningin sé auðveldari á íslensku. Hann segir plötuna vera afar poppaða miðað við fyrri verk og ef til vill töluvert persónulegri.
Hlustaðu á þennan frábæra þátt í spilaranum hér að ofan.
Kraftbirtingarhljómur guðdómsins er annan hvern mánudag í boði 66 North og Yuzu.
Facebook
Twitter
sjá allt10. október - 11:00
Velkomin til 101 Productions
101 Productions er framleiðslufyrirtæki sem einnig rekur útvarpsstöðina Útvarp 101. Ert þú með hugmynd? Sendu okkur línu á idea@101.live.
27. janúar - 10:30
Kapítalisminn í sögulegu samhengi
Í nýjasta þætti Heimsenda ræðir Stefán Þór við hagfræðinginn Ólaf Kjaran Árnason um kapítalisma.
24. janúar - 13:00
Heimsendir: Sítenging
Eruð þér límd við skjáinn? Er símtækið besti vinur þinn? Í nýjasta þætti Heimsenda er rætt um sítengingu og skilgreiningu hennar.
24. janúar - 12:30
Þetta fullorðna fólk er svo skrýtið
Í hlaðvarpinu „Þetta fullorðna fólk er svo skrýtið“ velta Annalísa Hermannsdóttir og Björk Guðmundsdóttir fyrir sér hegðun og hugarstarfi fullorðins fólks á heimspekilegan, sálfræðilegan en þó óvísindalegan hátt.
19. janúar - 14:40
Einhleyp, einmana og eirðarlaus: Live date
Þáttastjórnendur Einhleyp, einmana og eirðarlaus eru mætt aftur í stúdíóið að jólafríi loknu.
17. janúar - 14:30
„Hoppandi á rúminu og syngjandi í hárburstann“
„Þetta er bara hreint og beint svefnherbergisdjamm, hoppandi á rúminu og syngjandi í hárburstann“ segir tónlistarkonan Salóme Katrín um lagið „The Other Side“ sem hún sendi frá sér í vikunni.
sjá allt
