19. júní, 2019 - 10:55
Tónlistarmyndband við nýjasta lag Taylor Swift, You Need To Calm Down af plötunni Lover sem er væntanleg 23. ágúst næstkomandi, kom út í gærmorgun. Það kveður við nýjan tón í laginu, allavega hvað varðar umfjöllunarefni lagatextans.
Myndbandið og lagið, eflaust pólitískasta verk Swift hingað til, er bæði stjörnum og páskaeggjum (e. easter eggs) prítt. Textinn vísar til þess að þeir sem setji út á samkynhneigða þurfi að róa sig og að shade hafi aldrei gert neinn minna samkynhneigðan. Pride-mánuður er genginn í garð í Bandaríkjunum og Taylor Swift situr ekki hjá.
Myndbandið hefur vakið gríðarlega athygli og er komið með rúmlega 20 milljónir spilana á YouTube. Aðdáendur Swift, svokallaðir Swifties, eru að vonum gríðarlega ánægðir en aðrir setja spurningamerki við það að Swift sé nú orðin bandamaður hinsegin fólks. Við útgáfu lagsins vaknar spurningin, er allur stuðningur af hinu góða? Þegar gagnkynhneigð kona (það eru einhverjir sem vilja halda því fram að Taylor Swift sé að koma út úr skápnum með þessu lagi, en það er önnur umræða) semur hinsegin lofsöng árið 2019 er hún þá að reyna að tikka í woke-boxið? Við drögum ekki í efa að henni þyki málaflokkurinn mikilvægur en er hún að reyna að eigna sér baráttu sem er ekki hennar?
Textabrotið „Shade never made anybody less gay“ vekur sérstaka athygli í þessu samhengi. Shade er vinsælt slanguryrði í Bandaríkjunum og hefur oftast merkinguna að dissa eða dæma einhvern. Diss, fordómar og einelti eru hlutir sem hafa vissulega hamlað samkynhneigðu fólki í gegnum tíðina og gera enn. Texti lagsins virðist í raun fjalla samtímis um það þegar gagnrýnendur Swift eru með leiðindi við hana á netinu og hvað henni er í raun sama og þegar fólk getur ekki sýnt hinsegin fólki umburðarlyndi þá þurfi það bara að hætta.
Swift berst þessa dagana fyrir The Equality Act, lögum sem eru nú til umræðu á Bandaríska þinginu. The Equality Act snýst um að LGTBQI+ einstaklingar hljóti vernd í öllum ríkjum Bandaríkjanna fyrir nokkurs konar mismun byggða á kyni, kynhneigð og kyntjáningu.
Lengi vel var Swift ekki mikið fyrir að tjá sig opinberlega um sínar pólitísku skoðanir, þar til 7. Október í fyrra þegar hún lýsti yfir stuðningi við frambjóðendurna Phil Bredesen og Jim Cooper á Instagram og er það aðallega þessvegna sem þetta myndband og lag er svona óvænt.
Fyrsta páskaegg myndbandsins, tilvitnun í Cher, en svona svaraði Cher móður sinni þegar móðir hennar spurði hana hvort hún ætlaði ekki að finna sér einhvern ríkan mann til að giftast.
Honestly was iffy on #GayRights until I heard this slapper by Tayla Swiff feat. the incredible Emmy winner Ann Dowd! @calebstark you’re an artist! Queers, youre okay! #pride #lover pic.twitter.com/1XsszC8swC
— Matt Rogers (@MattRogersTho) June 17, 2019
Grínistinn Bandaríski Matt Rogers potar í Taylor Swift í þessu tísti og tekur undir sömu gagnrýnisraddir sem setja spurningamerki við hinseginn boðskap Swifts.
Todrick Hall lýsir yfir gleði sinni yfir myndbandinu og bendir allt til þess að flestir sem tóku þátt í því séu hæstánægðir með ferlið og útkomuna.
Í myndbandinu koma fram ýmsar, ólíkar, hinsegin stjörnur. Hannah Hart, þáttastjórnandi My Drunk Kitchen, leikkonan Laverne Cox og Todrick Hall sem framleiddi myndbandið ásamt Swift.
Poppstjarnan Ciara giftir kærustuparið Jesse Tyler Ferguson og Justin Mikita og Queer Eye tískusérfræðingurinn Tan France sýpur á brennandi heitu tei en Bobby Berk, Karamo Brown, Jonathan Van Ness og Antoni Porowski úr Queer Eye eru einnig allir á svæðinu.
RuPaul krýnir dragdrottningar og fyrrum þátttakendur Drag Race allar drottningar og Ellen Degeneres er tattúveruð af Adam Levine.
Billy Porter úr Pose er með góða innkomu í myndbandinu, glæsilegur til fara að vanda og svo má sjá leikaran knáa Ryan Reynolds mála málverk af Stonewall Inn þar sem Pride hófst. Við vitum ekki alveg afhverju Reynolds er að því en hann tekur sig vel út engu að síður. Það er nóg af frægu fólki og fékk Swift í heildina 20 stjörnur til liðs við sig. Óvæntasta stjarnan í myndbandinu hlýtur þó að vera Katy Perry en þær grafa stríðsöxina í myndbandinu. Þær voru góðar vinkonur þangað til að dansarar Swift yfirgáfu hana á tónleikaferðalagi til að dansa með Katy Perry í staðinn.
Grínistinn Eva Victor skýtur á Swift í þessu myndbandi og leikur hana útskýra myndbandið fyrir móður sinni. Segir í raun allt sem segja þarf.
me, taylor swift, explaining my new video to my mom pic.twitter.com/krZpoerKaq
— Eva Victor (@evaandheriud) June 18, 2019
10. október - 11:00
101 Productions er framleiðslufyrirtæki sem einnig rekur útvarpsstöðina Útvarp 101. Ert þú með hugmynd? Sendu okkur línu á idea@101.live.
27. janúar - 10:30
Í nýjasta þætti Heimsenda ræðir Stefán Þór við hagfræðinginn Ólaf Kjaran Árnason um kapítalisma.
24. janúar - 13:00
Eruð þér límd við skjáinn? Er símtækið besti vinur þinn? Í nýjasta þætti Heimsenda er rætt um sítengingu og skilgreiningu hennar.
24. janúar - 12:30
Í hlaðvarpinu „Þetta fullorðna fólk er svo skrýtið“ velta Annalísa Hermannsdóttir og Björk Guðmundsdóttir fyrir sér hegðun og hugarstarfi fullorðins fólks á heimspekilegan, sálfræðilegan en þó óvísindalegan hátt.
19. janúar - 14:40
Þáttastjórnendur Einhleyp, einmana og eirðarlaus eru mætt aftur í stúdíóið að jólafríi loknu.
17. janúar - 14:30
„Þetta er bara hreint og beint svefnherbergisdjamm, hoppandi á rúminu og syngjandi í hárburstann“ segir tónlistarkonan Salóme Katrín um lagið „The Other Side“ sem hún sendi frá sér í vikunni.