„Tím­inn er knappur og leik­húsið bíður ekki eftir nein­um“

Í spilaranum að ofan er hægt að hlusta á viðtalið við Andreu Elínu Vilhjálmsdóttur í Morgunþættinum Múslí.

Andrea Elín Vilhjálmsdóttir, leikstjóri, var gestur Morgunþáttarins Múslí í morgun. Hún sagði þeim Lóu og Jóhanni frá einleiknum Velkomin heim sem frumsýndur verður laugardaginn 2. febrúar í Þjóðleikhúsinu.

Í leikritinu Velkomin heim segir María Thelma sögu sína og móður sinnar sem fluttist til landsins frá Tælandi í upphafi tíunda áratugarins. Sögur kvenkyns innflytjenda er viðfangsefni sem ekki hefur fengið mikið rými hingað til í stóru leikhúsunum. Kveikjan að verkinu var einstaklingsverkefni Maríu Thelmu þegar hún var í Listaháskólanum fyrir tveimur árum. Þær Andrea Elín og Kara Hergils fara með hlutverk leikstjóra og í samvinnu vinna þær allar þrjár að handritinu.

María Thelma er fyrsta leikkonan af blönduðum íslenskum og asískum uppruna til að útskrifast úr leikaranámi Listaháskólans. Andrea ræddi við þáttarstjórnendur Múslí um lífið í leikhúsinu og hversu sjaldgæft það sé að þrír sviðshöfundar sitji saman og ræði menningu í útvarpsþætti. Á tix.is er hægt að nálgast miða á verkið sem er í sýningu út febrúar. Andrea hvetur alla til að sjá verkið sem er einungis í sýningu út febrúar: „Tíminn er knappur og leikhúsið bíður ekki eftir neinum“ segir Andrea.

Morgunþátturinn Múslí er alla virka morgna milli 7-9 í boði Joe and the Juice.