21. júní, 2021 - 15:20
Á dögunum fór í loftið glænýtt hlaðvarp hjá Útvarpi 101 þar sem hlustendur fá spurningum sínum svarað um ógnvekjandi heim fjármálanna. Vaxtaverkir er fræðsluþáttur á léttu nótunum í umsjón Brynju Bjarnardóttur og Kristínar Hildar Ragnarsdóttur, og að þeirra sögn er þátturinn ætlaður öllum þeim sem hafa áhuga á því að læra um fjármál á mannamáli. Nú þegar hafa þrír þættir komið út á Spotify.
Þær Brynja og Kristín koma til með að fá góða gesti til sín í stúdíóið, og í nýjasta þætti Vaxtaverkja kíkti til þeirra Baldur Thorlacius, framkvæmdastjóri sölu- og viðskiptatengsla hjá Nasdaq á Íslandi.
Hlaðvarpið fór í gang í byrjun sumars og hefur meðal annars sett algengar mýtur um fjárfestingarmarkaðinn í kastljósið. Að sögn Brynju og Kristínar er algengt að óvanir fjárfestar finni fyrir óöryggi þegar þau taka sín fyrstu skref á fjárfestingarmarkaðinum, sem kann að birtast almenningi sem heimur karla í jakkafötum sem sitja fyrir framan flókið graf á tölvuskjá og jú, með fjárfestingar lingo-ið á hreinu.
Þáttastjórnendur leggja áherslu á aðgengileika fjármálaheimsins, grunnatriðin og hin ýmsu tól sem hjálpa hlustendum að stíga sín fyrstu skref í fjármálaheiminum.
Nýir þættir af Vaxtaverkjum koma á allar helstu streymisveitur annan hvern föstudag og þar að auki er þátturinn sendur út á Útvarpi 101 á FM 94,1 og 101.live annan hvern mánudag klukkan 16:00.
10. október - 11:00
101 Productions er framleiðslufyrirtæki sem einnig rekur útvarpsstöðina Útvarp 101. Ert þú með hugmynd? Sendu okkur línu á idea@101.live.
27. janúar - 10:30
Í nýjasta þætti Heimsenda ræðir Stefán Þór við hagfræðinginn Ólaf Kjaran Árnason um kapítalisma.
24. janúar - 13:00
Eruð þér límd við skjáinn? Er símtækið besti vinur þinn? Í nýjasta þætti Heimsenda er rætt um sítengingu og skilgreiningu hennar.
24. janúar - 12:30
Í hlaðvarpinu „Þetta fullorðna fólk er svo skrýtið“ velta Annalísa Hermannsdóttir og Björk Guðmundsdóttir fyrir sér hegðun og hugarstarfi fullorðins fólks á heimspekilegan, sálfræðilegan en þó óvísindalegan hátt.
19. janúar - 14:40
Þáttastjórnendur Einhleyp, einmana og eirðarlaus eru mætt aftur í stúdíóið að jólafríi loknu.
17. janúar - 14:30
„Þetta er bara hreint og beint svefnherbergisdjamm, hoppandi á rúminu og syngjandi í hárburstann“ segir tónlistarkonan Salóme Katrín um lagið „The Other Side“ sem hún sendi frá sér í vikunni.