Vegan heilsa: „Það er eitt­hvað kraum­andi undir okk­ur“

Síðastliðinn miðvikudag fór fram ráðstefna í Hörpu sem var heitið Vegan heilsa. Ráðstefnan var ekki einungis ætluð þeim sem telja sig vegan heldur einnig fyrir grænkera, þá sem hafa áhuga á að gerast grænkerar og fyrir þá sem eru forvitnir um vegan mataræði. Allur ágóði rann til Ljóssins, endurhæfing fyrir krabbameinsgreinda, en fullt var út að dyrum í Silfurbergi þennan daginn.

Dagskráin var þétt og fjölbreytt en fyrsta sem tók til máls var næringarfræðingurinn Brenda Davis. Hún fjallaði um næringu í grænkerafæði og bar það saman við næringu í dýraafurðum og kjöti. Þar sagði hún að grænkerar geti auðveldlega fengið fæðu sem er próteinrík og það ætti ekki að vera áhyggjuefni. Matur eins og sojabaunir, tófú og baunir eru mjög próteinríkar og því sé hægt að stroka út þá mýtu að grænkerar þurfi að passa að fá próteinið sitt. Grænkerar þurfi frekar að fylgjast með öðru eins og B12, Joð og kalki.

Ýmis atriði sem Brenda talaði um koma einnig fram í nýju heimildarmyndinni The Game Changers. Þar er fjallað um íþróttamenn sem eru á grænkerafæði og ýmis atriði skoðuð út frá því. Myndin kom á Netflix í vikunni og hefur vakið mikla athygli.

Fundarstjóri ráðstefnunnar var fjölmiðlakonan Guðrún Sóley Gestsdóttir. Sjálf er hún vegan og gaf einmitt út matreiðslubók á síðasta ári, Grænkerakrásir Guðrúnar Sóleyjar sem inniheldur helling af vegan uppskriftum. Hér situr hún ásamt skipuleggjendum ráðstefnunnar. Elín Skúladóttir, skipuleggjandi hélt tölu á ráðstefnunni. Elín sagði söguna af því þegar hún greindist með brjóstakrabbamein og ákvað síðar að breyta um mataræði, tileinkaði sér grænkerafæði. Hún fór í viðtal hjá K100 fyrir ráðstefnuna þar sem hún talar um söguna.

„Það er eitthvað kraumandi undir okkur, ég finn það“ sagði Guðrún Sóley í upphafi ráðstefnunnar. Það er mikið til í þessu enda hefur umræðan um veganisma, grænkerafæði og umhverfið opnast töluvert á síðustu misserum. Á dögunum fór einnig myndband í dreifingu um Instagram þar sem áhrifavaldurinn James Aspey sýndi frá meðferðinni á dýrum í sláturhúsum. Myndbandið má finna í highlights hjá James, en myndbandið er ekki fyrir viðkvæma.

Það var góð stemmning í Hörpu þennan daginn. Fólki var boðið upp á að prófa vegan húð- og hárvörur ásamt því að fara í heilsumælingu hjá SÍBS þar sem blóðþrýstingur, kólestról og fleira var skoðað.

Eydís Blöndal var að sjálfsögðu mætt í mælingu en Eydís hefur lengi talað um veganisma og fleiri tengd efni á Instagram-síðu sinni . Mælum með því að fróðleiksfúsir kíki á Instagrammið hennar fyrir frekari fróðleik.

Meðal þeirra sem einnig tóku til máls var vani fyrirlesarinn Beggi Ólafs. Hann fjallaði um það þegar hann skipti yfir í grænkerafæði og hvernig viðbrögð fólk voru í kjölfarið. En rétt eins og Eydís hefur Beggi einnig fjallað mikið um þetta á sínum miðlum, Instagram og Trendnet. Beggi mældi með heimasíðunni Nutrion of Facts, þar er að finna ýmislegar gagnlegar upplýsingar tengdar næringu.

Birna María kom í Tala saman eftir ráðstefnuna með smá samantekt.